Суплементи

Остеопороза – ризик фактори и превенција

За подобра ресорпција и искористување на Калциумот во организмот особено се важни два витамина : витамин К2 и витамин D3, кои се повеќе се среќаваат во комбинација токму за превенција на остеопороза. K2D3 претставува оптимална комбинација на хранливи материи за правилна минерализација на коските и зачувување на интегритетот на коскениот систем, што истовремено ги штити зглобовите од штетното дејство на калциумот.K2D3 ја зголемува ресорпцијата на калциумот од храната и овозможува негово правилно искористување.

Our Mind | 10-Oct-2022

Остеопороза – ризик фактори и превенција

Остеопороза е доминантно метаболно заболување на коските и претставува голем здравствен и социјален проблем. Асимптоматска болест која не јавува симптоми, освен можеби намалување на височината на пациентите и појава на ‘грбка’ на грбот (торакалниот дел).Таа претставува намалување на густината на коските, која може да доведе до кршење (фрактури) на истите и тоа при помали оптоварувања односно при вршење на секојдневни активности.Тука спаѓаат: фрактура на колкот при пад кај повозрасни лица, потоа фрактури на раката, како и компресивни фрактури на пршлените на ‘рбетниот столб, кај кои всушност се забележува намалување на висината на пршленското тело.

Остеопорозата е голем здравствен проблем, посебно кај постарата популација; од заболените околу 68% се жени. Покрај заболените од остеопороза, уште поголем број на луѓе имаат намалена густина на коскената маса, со што и тие имаат зголемен ризик за развој на оваа болест.Една од секои две жени на возраст над 50 години има скршеница поврзана со остеопороза. Мажите не се поштедени од остеопороза; секоја година милиони мажи заболуваат од остеопороза и милиони се во ризик да заболат. Секоја година илјадници мажи доживуваат скршеница на колкот поврзана со остеопороза и една третина од нив умира од компликации на таа скршеница во тек на една година.


Ризик фактори


Одредени ризик фактори се поврзани со развојот на остеопороза и голем број од заболените од остеопороза имаат неколку ризик фактори истовремено, но кај некои заболени не се познати ризик факторите кои допринеле да се јави болеста. Од ризик факторите, на дел од нив може да се влијае, но на некои не.


Ризик фактори врз кои не може да се влијае:


Пол – Шансите за појава на остеопороза се поголеми кај жените во однос на мажите. Жените имаат помалку коскено ткиво и го губат побрзо од мажите пред се поради хормонските промени кои се случуваат со менопаузата.


Возраст – Со самото стареење се зголемува ризикот од остеопороза; коските со тек на време стануваат потенки и послаби.


Фамилијарна историја – Фрактурите можат делумно да бидат наследни. Луѓето чии родители имаат историја на фракутури исто така може да имаат намалена коскена маса и со тоа зголемен ризик од фрактури.


Ризик фактори на кои може да се влијае:


Сексуални хормони – Абнормално отсуство на менструација (аменореа), ниско ниво на естроген (менопауза) и ниско ниво на тестостерон кај мажи се ризик фактори за остеопороза.


Анорексија (Anorexia nervosa) – Карактеризирана со ирационален страв од качување на телесна тежина, оваа заболување ја зголемува опасноста од остеопороза.


Внес на калциум и витамин D – Долготрајно мало, недоволно внесување на калциум и витамин Д ги прави коските склони кон остеопороза.

Употреба на лекови – Долготрајна употреба на глукокортикостероиди и некои анти-епилептични лекови може да доведе до губење на коскено ткиво и скршеници.


Животен стил – Физички неактивен животен стил води кон ослабнување на коските.

Пушење – Цигарите се лоши за коските исто како и за срцето и белите дробови.


Пиење алкохол–Алкохолот го зголемува ризикот од губење на коскена маса и фрактури.

 

k2d3
За одржување на оптимална коскена маса и создавање на ново коскено ткиво со текот на стареењето, постојат неколку фактори кои се особено важни, а пред сѐ внесувањето на минералот Калциум. Долготрајно неадекватно внесување Калциум придонесува за развој на остеопороза. Многу клинички студии укажуваат дека нискиот внес на Калциум е поврзан со намалена коскена маса, брзо губење на коскена маса и честа појава на фрактури. Исто така овие студии покажуваат дека голем број на луѓе внесуваат помалку од половина од дневните количини на Калциум. Добри извори на Калциум се млечните продукти како млеко, јогурт, сирење но и спанаќ, житарици итн.

Во зависност од внесот на калциум со храна, кај некои луѓе, доколку тој внес е недоволен, е потребно внесување на калциум преку суплементи. Потребите за калциум се менуваат во текот на животот. Телото има поголема потреба за калциум во детството и пубертетот, кога скелетот рапидно расте, во тек на бременост и доење. Жените во пост-менопауза и постарите мажи исто така имаат поголема потреба за калциум. Со самото стареење се намалува способноста на телото за апсорпција на калциум и останати хранливи материи. Исто така постарите лица често имаат хронични медицински проблеми и употребуваат лекови кои можат да ја намалат апсорпцијата на
калциум.

За подобра ресорпција и искористување на Калциумот во организмот особено се важни два витамина : витамин К2 и витамин D3, кои се повеќе се среќаваат во комбинација токму за превенција на остеопороза. K2D3 претставува оптимална комбинација на хранливи материи за правилна минерализација на коските и зачувување на интегритетот на коскениот систем, што истовремено ги штити зглобовите од штетното дејство на калциумот.K2D3 ја зголемува ресорпцијата на калциумот од храната и овозможува негово правилно искористување. На овој начин, K2D3 овозможува повеќе калциум да им биде достапен на коските, го зголемува вградувањето на калциум во коската и спречува долгорочно опасно калцифицирање на зглобовите и различните органи. Редовната употреба на комбинација K2D3 помага во спречување на остеопенија и остеопороза и е одличен како додаток на лековите за остеопороза.

K2D3 ги прави коските поцврсти и поотпорни на фрактури: го спречува формирањето и го забрзува
заздравувањето на фрактурите. Спречува таложење на калциум во зглобната 'рскавица и формирање на абнормални коскени израстоци. На овој начин ја намалува болката и ја враќа подвижноста на зглобовите.

Препаратот К2Д3 содржи оптимални дози на витамин К2 и витамин Д3, кои синергистички делуваат на здравјето на коскениот и зглобниот систем: ги прави коските здрави и силни и ја враќа подвижноста на зглобовите.Состојките на препаратот K2D3 се добиваат од природни извори. Витаминот К2 е во форма на МК-7, супериорна форма на витамин К2 со најголема биорасположивост и најдолго времетраење на дејството.

 


Мр.Фарм Соња Пецевска

;

Можеби ќе те интересира

payment-methods