Во текот на дводневната обуката, учесниците ќе имаат можност искуствено да се запознаат и да работат на развивање на Емоционалната интелигенција. Емоционалната интелигенција според најновите истражувања е клучен фактор на успех во приватниот и деловниот аспект на животот на секој поединец.
Цели на семинарот
Општа цел на обуката за Емоционална писменост е кај секој поединец да се зголеми неговата лична моќ и соработката со другите луѓе без манипулации и психолошки игри.
Специфични цели на семинарот
- Да се зголеми нивото на самопочитување и љубов према себе и према другите
- Редуцирање на негативната самокритика и негативната критика на другите
- Усвојување на вештини на емоционално писмена комуникација
- Увидување на поврзаноста помеѓу мислите, чувствата и однесувањето
- Поттикнување на креативност кај вработените
- Да се зголеми нивото на искрена и директна комуникација , наспроти манипулации и игри
Структура на семинарот
Во текот на обуката ќе бидат реализирани активности на неколку теми:
- Препознавање и редуцирање на влијанието на Негативниот Критички Родител
- Развивање на самосвеста и на Позитивниот Негувачки Родител
- Развивање на вештини на емоционално писмени трансакции
- Развивање и прифаќање на основните животни права
- Емоционални грешки кои ги правиме поради влегување во игри и превземање на одговорност
- Техники кои ќе се користат во текот на работилниците
Освен презентации со кои учесниците ќе бидат запознаени со различни концепти од теоријата на комуникација, Емоционална интелигенција и Трансакциска анализа, ќе бидат користени и техники како: играње на улоги, бура од идеи, работа и дискусија во парови и мали групи и др.